بوابة السيارات، الزوار، المفاتيح، خروج العاملين، يومية الأحوال، الورديات، وتصاريح الأصناف بسلسلة اعتماد كاملة. تسجيل أسرع من الورق، تقارير بتتطبع بنفس شكل الدفتر، ومحدش يقدر يمسح أو يعدّل من غير ما يتسجل.
بدل ما كل نوع حمولة يبقى ليه دفتر وإذن وورقة، العربية بتتسجل مرة واحدة وبتمشي في مراحلها: وصول ← دخول ← خروج. والنظام بيحسب مدة الانتظار وجوه الشركة لوحده.
شاشة واحدة بكل العربيات اللي اتسجلت، بحالتها اللحظية ووقت الوصول والدخول والخروج، مع فلترة بالنوع والحالة والتاريخ وبحث برقم العربية أو اسم السواق أو المورد.
تسجيل النوع والسواق والمورد ورقم العربية — وبتاخد رقم في ترتيب الوصول
إذن دخول بيتطبع من النظام، والعربية بتظهر كـ "جوه الشركة"
الوزن والكمية ونوع الحمولة وقرار الاستلام بتتسجل على نفس العربية
تسجيل الخروج بمدة التواجد، والعربية بتنزل في تقرير اليوم تلقائيًا
كل نوع عربية ليه نموذجه وبياناته الخاصة، فالفرد مش محتاج يفكر في أي دفتر يكتب — يختار النوع ويملا اللي قدامه بس.
خط زمني للوصول والدخول والخروج باسم الفرد اللي سجّل كل خطوة، وسجل بكل تعديل اتعمل على بيانات العربية.
آخر اليوم مش محتاج حد يقعد ينقل من الدفتر. التقرير بيطلع لوحده بنفس شكل النموذج اللي الإدارة متعودة عليه، لكل نوع حمولة، ولأي يوم تختاره.
كل سجل فيه "المفتوح دلوقتي" و"سجل اليوم" اللي بيتطبع بشكل الدفتر، عشان المشرف يعرف الوضع من غير ما يسأل حد.
بدل لوحة الخشب ودفتر التسليم: كل مفتاح كارت بيوضح هو في التابلوه ولا مع مين ومن إمتى، والتسليم والاستلام بيتسجلوا بالاسم والوقت.
الزائر بيتسجل دخوله وجهة الزيارة وبيتقفل بخروجه. وخروج العاملين في وقت الشغل بيتسجل بالسبب والمدة المسموحة، والنظام بيحسب التأخير لوحده.
تصاريح خروج ودخول الأصناف ماشية في سلسلة اعتماد واضحة، وكل خطوة باسم صاحبها ووقتها — فمفيش "مين اللي سمح بده؟" تاني.
الأمن بيسجل التصريح اللي جاي من الإدارة الطالبة بأصنافه وكمياته
مراجعة واعتماد — أو رفض بسبب واضح
الاعتماد النهائي، ومينفعش نفس الشخص يعتمد خطوتين
أمن البوابة يطابق الأصناف ويسجل الخروج على العربية
كل تصريح ليه رقم مسلسل وصفحة بتوضح الإدارة الطالبة والجهة والعربية والسواق، وجدول الأصناف، وحالة كل اعتماد مين عمله وإمتى.
للأرشيف أو للسواق أو للمراجعة: كل تصريح ومحضر فتح مخزن ليه صفحة طباعة مطابقة للنموذج المعتمد، والأسماء اللي اعتمدت إلكترونيًا بتظهر في خانات التوقيع بالتاريخ والوقت.
المشرف بيعمل جدول اليوم في دقيقة، وكل فرد بيكتب أحداث ورديته في اليومية، ومدير الأمن بيعتمد ويقفل اليوم.
اختيار الأفراد ومواقعهم أو نسخ آخر جدول بضغطة، والساعات بتتحسب لوحدها حتى لو الوردية بتعدّي نص الليل. ومدير الأمن بيعتمد الجدول.
كل حدث بالساعة والنوع، والمخالفات بتتعلّم بالأحمر. الفرد بيكتب في يومية النهارده بس ويعدّل اللي كتبه هو، وبعد اعتماد اليوم بيتقفل.
وفي تسليم الوردية: المسلّم بيسجّل ملاحظاته من حسابه، والمستلم بيأكد من حسابه هو — ومينفعش نفس الشخص يسلّم ويستلم.
ساعات الورديات لكل فرد، نشاط الأفراد، السيارات، الزوار والمفاتيح، اليومية والاعتمادات، والتصاريح — كله محسوب من الشغل الفعلي ومتقسّم في تبويبات.
النظام مصمم عشان يحمي البيانات من أي تلاعب: مفيش مسح نهائي، والإلغاء بيفضل ظاهر بسببه واسم اللي عمله.
كل عملية في النظام: مين عملها، إمتى، وإيه اللي اتغير — مع فلترة بالمستخدم والنوع والتاريخ.
فرد أمن، مشرف، مدير أمن، ومدير إداري — كل واحد بيشوف ويعمل اللي في حدود دوره بس.
يسجل العربيات والزوار والمفاتيح ويعدّل طول ما العملية لسه مفتوحة، ويكتب في يومية النهارده.
يعدّل بعد الخروج، يلغي بسبب، يعمل جداول الورديات، ويشوف سجل التعديلات والتقارير الشهرية.
يعتمد التصاريح واليومية والجداول، ويعمل حسابات الأفراد ويوقفها في حدود دوره.
كل الصلاحيات، والاعتماد النهائي لتصاريح خروج الأصناف.
اتبنى على نماذج أمن حقيقية بتشتغل بيها شركات ومصانع — وبيتظبط على نماذجكم أنتم.
تتبع حراري لكل عنبر، باركود لكل باليتة، صرف FEFO يمنع الهالك، وتطبيق تابلت للسواقين.
اكتشف نظام التلاجات ←
تذاكر دعم بـ SLA، جرد الأجهزة والعُهد، مشتريات وموردين، قاعدة معرفة، ومساعد ذكي للموظفين.
اكتشف ITDS ←احجز عرض تجريبي مباشر نوريك فيه النظام شغال على نماذج شبيهة بنماذجكم، ونتكلم في التشغيل على شبكة شركتك.